Haiek, txikiak zirenean hemen eman zituzten lehen pausuak...

Gaur egun egin dutenagatik munduan ezagunak diren pertsonek, Getxon igaro zituzten haien haurtzaroko egun berezi horiek... Herri honek egun komunikabideetako ataletan agertzen direnak hezi egin zituen bere garaian; bakoitzari, gaur egun duten arrakasta lortzeko bidea erakutsiz. Arlo desberdinetan ezagunak diren getxotarrez hitz egiten ari naiz; nahiz eta orain haien lana dela eta beste herri batean bizi, betidanik hemengoak izan direnak.

Politikaren munduari dagokionez, Jose Antonio Aguirre, Eusko Jaurlaritzako lehen lehendakaria; Jose Luis Bilbao, Bizkaiko aldun nagusia izandakoa; Ramon de la Sota, Astilleros Euskaldunaren fundatzailea izan zena...

Musikaren munduan hauek izan dira ezagunenak: Alvaro Fuentes, La Oreja De Van goh taldearen kidea; Andres Isasi konpositorea;"El inquilino comunista" rock taldea; orain oso ezaguna diren "Zodiac´s" eta "zentric" taldeak...

Hauek dira Getxon jaio ziren idazlerik ezagunenak: Unai Elorriaga, SPrako tranbiaren idazlea; Ibon Zubiaur; Ramiro Pinilla...

Kirol arloan hauek azpimarratuko nituzke: Iñaki Saez, Espainiako selekzioaren entrenatzaile ohia izandakoa; Roberto Laiseka bizikletari ezaguna; Yahaira Aguirre, Espainiako Judo txapelduna...

Bukatzeko, telebistan irtetzeagatik ezagutzen ditugunak hauek dira: Patricia Gaztañaga, telebistako aurkezlea; Iñaki Lopez, "Pasalo" telesaioa aurkezten duena; Iker Lopez aktorea...

Beraz, nabaritu daitekeenez, lehengai potentea atera daiteke herri honetatik; eta logikoa den moduan, ohore handiarekin izendatzen ditugu aukera dugun guztietan.

Merezi dute eta!

Asier Hormaza getxotarra, distira duen izarra

Asier Hormaza aktorea, 1970.urtean jaioa, interpretazioaren grina izan du gazte gaztetatik. Getxon, oso harro gaude bera bezalako artista edukitzeaz, pizkanaka-pizkanaka zinema munduan gorantz abiatzen ari dena.

"Dragoi ehiztaria" filma grabatzen bukatu berri du eta egun hauetan estreinatuko den "Arrastoa" intrigazko komedian ere parte hartzen ari da. Bere partetik, "Dragoi ehiztaria" euskaraz egin den filmerik garestiena izan da eta udaberrirako dago pentsatua bere estreinaldia.

Getxotarrak, edozein genero egiteko kapaza dela erakutsi digu; hala nola, "Ernesto izatearen garrantzia", "Muerte accidental de un anarquista", "Artea", "Gronholm Metodoa", "Ahuntza edo nor da Silvia" antzespenetan; "Eutsi!" eta "Sukaldeko kontuak" filmek berarekin izateko ohorea eduki dute, baita telebistako "Hau komeria", "Sorginen Laratza", "Pilotari" edo "Goenkale" telesaioetan.

Getxotarra izan behar zuen, nongoa bestela?

San Mames berria izango denaren erakusketa

Soberan ezaguna da Bilboko ohorea diren lehoientzako etxe berria egiteko proiektua jadanik martxan dagoela. Futboleko terminoetara pasatuz, Bilboko bigarren Kapitala izango den zelaigune berriaren lanak hasi egin dira; San Mames zaharrak zituen prestazio eta ezaugarriak hobetu eta Athletic-eri ikuspegi desberdina emango diona.

Komunikabideek ekimen honi buruz aurrerapenak egiten doazen neurrian, horren inguruan dauden albisteen berri emango digute; baina horretaz aparte zehetasun gehiago ezagutu nahi baduzue, bi erakusketa dituzue bai Erromon eta bai Algortan.

Erromori dagokionez, urtarrilaren 15tik 31ra bitartean Gobela kiroldegiak hartuko du aurrean aipatutako erakusketa; Irakusketara hurbiltzen direnek 42.000 m2ko espazioa izango dute proiektuaren maketa eta informazioa kontsultatzeko.
Gure herrian, berriz, Algortako Merkatura hurbildu egin beharko gara otsailaren 2tik 20ra bitartean.

Nire taldearen zelaigune berriari buruzko xehetasun txikienaz ere jabetu nahi dut eta beraz, denbora apur bat izatekotan Algortako Merkatura hurbilduko naiz...

"Getxo Antzoki" berria

Algortari modernitate kutsu bat emateko jarduerak aurrera jarraitzen dute; kasu honetan San Nikolas plazari dagokiolarik. Lehen bertan, ezaguna den Getxo Antzoki zaharra zegoen; zine librea ikusteko aukera paregabea eskaintzen zuena. Gaur egun, lehen herriko eraikuntza enblematikoa zena zegoen lekuan ez dago ezer, obra-ondakin eta tramankuluak kenduta.

Getxoko Udalak eta EAJ-ren eskutik jaio berri den proiektu berriak era guztietako aurrerapenak hartzen ditu gain: kotxeentzako aparkaleku handiagoa, eraikuntza modernoa, areto handiagoak, era guztietako prestakuntza teknologikoak...
Horrez gain, lehen Erromon kokatuta zegoen musika eskola bertara egokituko da lanak amaitu eta gero.

Getxorentzako ohore handia izango da hain aurrerapauso handia lortzea, eta horrekin batera herri txikiari ikuspegi profesional eta garatuagoa ematea. Hurrengoa izan da alkateak, Antzoki berriaren eraginari buruz galdetu diotenean erantzun duena:“udalerria aldatzeko beharrezko proiektuan murgilduta gaude, parekorik gabea azken hamarkadetan, eta hori beharrezkoa da XXI. mendera egokitzeko. Prozesu horrek, jakina, zarata, trafikoaren aldaketak eta antzeko arazoak dakartza, baina ahalik eta gehien gutxitzen ahaleginduko gara, horretarako beharrezko neurriak hartuta”.

Egia esan, nik San Nikolas plaza ingurutik ibiltzen naizenean sentzazio arraro bat sentitzen dut; betidaniko Getxo Antzokia ez egoteak zuriune handia eragiten duelako.
Beharbada eraikin berria bukatua dagoenean sentsazio hori desagertu egingo da...

"Zinegoak" , 2010ean Getxon ere

Urtero Bilboko hirian ospatu ohi den "Zinegoak" proiektua, nazioarteko zinema gay-lesbo trans-aren ingurukoa da. Orain arte urte guztietan, Bilboko hainbat lekutan egin izan da bakarrik; antzoki eta areto garrantzitsuenetan. Baina aurten badirudi programazioa zertxobait aldatu egingo dela:

Urtarrilaren 29tik otsailaren 6ra arte Arriaga Antzokia, Capitol Zinema, Guggenheim, Bilborock eta Fnac aukerarako antolatu eta jantzi egingo dira.
Horren ondoren; otsailaren 7tik 14ra jaialdiaren zatiren bat eramango da eredu gisa, hainbat euskal udalerrietara; haien artean Getxora. Normala denatik irtetzeak arrazoi garrantzitsua dauka atzean: hiri handietatik ateratzearen aldeko apostua.

Aurten gainera, Berlineko harresia jausi zeneko 20garren urteurrena ospatzeko omenaldia egingo dute; sasoi horretan girotuta eta 2010eko Ohorezko Saria jasoko duenak zuzendutako luzemetraia emanez. Saridunaren izena urtarrilaren 20an ezagutuko da.

Argi dago Getxo nazioarteko panoraman integratzeko ahalegin handiak egiten dabilela!

Getxori buruzko blog ugari

Zer dago bere herritarrek herri bati buruz hitz egitea baino hoberik? Gure herria biziduna izango balitz berari galdetuko genioke zalantzak argitzeko; baina horrela ez denez, gure hausnarketa propioak kontuan hartu baino ez dugu.

Gauza da, blog hau egiten hasi nintzenetik askotan kontsultatu dudala interneteko hainbat webgune nik neuk nire herriari buruz nuen ezagupena handitu eta osatzeko. Eta nabigatzen egon naizen bitartean Getxori buruzko blog ugari gaudela konturatu naiz; badaude bereziki Portu Zaharrari zuzendurikoak alde batetik; Algortari zuzendurikoak bestetik; eta azkenik, Getxori buruzko ikuspegi orokorrago bat ematen dutenak. Bertan, herriari buruzko azken berriak agertzeaz gain, erabiltzaile eta blogen sortzaileen iritzi eta eskakizunak agertzen dira; herriari buruzko garrantzia handitu egiten dutenak.

Hauek izan dira nik orainarte aurkitu izan ditudanak:

-Getxoko alkatea den Imanol Landaren bloga-->http://www.ilanda.info/
-Portu zaharrari buruzko blogak-->http://puertoviejodealgorta.blogspot.com/
http://blog.agirregabiria.net/2009/06/la-mirada- magica-sobre-getxo-nuestro.html
http://blogdebori.com/category/euskadi/getxo/

Beraz, hemendik aurrera gure herriari buruzko edozein kontsulta egiteko bisitatu aurreko webguneak!

GETXOBERRI berria

Gure herriko alkatea den Imanol Landaren blogean agertzen den moduan, izenburuan datorrena hitz joku bat baino gehiago da. Udalari buruzko lehengo egunkari txikiak aldaketak izan ditu eta orain agerpen desberdina erakusten du: formatu erakargarriagoa, gaurkotua, kolorean dago egina. Baina horrez gainera, edukian ere aldaketak antzematen dira. Gure herria aberatsa da aspektu askotan: bizilagunak, jarduerak, ekimenak, albisteak, kirolak... eta horregatik, hemen gertatzen denari buruz "al loro" egon gaitezen nahi dute haren sortzaileek.

Esan beharra dago gainera, erraztasun handia ematen dutela aldizkari hau eskuratzeko; gure etxeetara heldu ohi da maiz eta beraz eroso baino erosoagoa da.
Imanol Landak jakinarazi duenez, esperientzia honek herritarren errealitatetik hurbilago egoteko helburua dauka. Gainera, Getxoren alde egiteko sortua den produktua da, bide batez, herria biziagoa eta dinamikoagoa egiteko.

Beraz, ez dago aitzakirik getxoztarrek bere herriaren inguruan eguneratuak egon daitezen!

Getxo eta inguruetako blogger-en topaketa

Pasadan urteko urriaren 31an ospatu zen Algortako Villamonte Kultur Aretoan Getxo eta inguruetako blogger-en topagunea. Ekimen hau egiten den lehenengo aldia izan da; baina izandako arrakasta eta parte hartzaileen inpresioak kontuan hartuta, ez da azkena izango.

Bertan, Getxoko historiari buruzko hainbat argibide eta argazki erakutsi eta ondoren, blogerren iritziak partekatu ziren; horren inguruko ikuspuntuak elkartrukatuz guztien artean. Getxo herria nola ikusten duten eta pairatutako aldaketen inguruan solasaldia ere egon zen.

Herri berdinari buruzko blog desberdinak egotea primeran dago, bakoitzak ikuspuntu eta gai desberdinei buruzkoa izango delarik.

"Getxo outlet"

Joan den urtean, Getxo outlet-aren VI.edizioa ospatu zen Algortako geltoki plazan urriaren 2, 3 eta 4 an. Bere kokapen egokiak, herritar eta auzokoen hurbilketa erraztu zuen, 15000 pertsona inguru hurbildu zirelarik.

Azokan parte hartzen zituzten enpresen kopurua 40 izan zen; eta haien produktuak stand antzekoetan erakusgai zeuden metroko plaza alboan dagoen aparkaleku handian eraiki zen karpa batean. Karpa horren barruan jaima modukoak antolatu ziren; denda bakoitzak bere lekua izan zezan.

Hurbildutakoek azoka bisitatu ondoren egiaztatu ahal izan zuten Getxo outlet Bizkaian egiten diren antzeko ekimenen artean nabarmentzen zela; aurki daitezkeen produktuen barietate eta kalitatea; eta horrekin batera, produktu bakoitzean aplikatutako deskontuak erreferente bihurtzen dutelako.
Horrela, bertaratu zirenek prezio baxu eta deskontu garrantzitsuak zituzten era guztietako artikuluak eskuratu ahal izan zuten; hala nola, elikagaiak, oinetakoak, bitxiak, apaingarriak, dekorazioa, kirolak, elektronika, altzairuak...

Beraz, zergatik ez hurbildu? Denbora eta zorte apur batekin benetako txoioak eraman ditzakezu!

Portu Zaharreko eraikuntza enblematikoa arriskuan

Portu Zaharreko bitxikeri gehiago jakiteko interneteko hainbat blogetan begiratzen egon naiz eta interesgarria iruditu zaidan artikulu bat eskegiko dut hemen. Artikulua Portu Zaharrari buruzko beste blog batekoa da eta bertako eraikuntza enblematiko baten eraisteari buruzkoa.

Testua puertoviejodealgorta.blogspot.com- etik hartu dut; horri buruzko informazio argia eta interesgarria ematen duelako. Hona hemen:

"Esta preciosa vivienda más que centenaria de la calle Ribera del Puerto Viejo de Algorta, que en los años 90 fue ebanistería de los Bilbao-Goyoaga y en la que actualmente viven tres estupendas familias, amigas mías y a las que apoyaré y procuraré ayudar hasta que alguien me diga que no tengo razón al protestar por este abuso de poder de la alcaldía de Getxo, está edificada sobre la roca arenisca propia del Puerto Viejo, al límite de la misma, creando un efecto aún más espectacular que el de las viviendas de la subida a Usategi al otro lado del Puerto Viejo. Pues bien, estas tres familias tendrán delante de sus narices los 'adosaus' del señor Landa, y esta curiosidad arquitectónica, solo visible desde este lado de la casa, quedará oculta a los vecinos de Getxo y a los visitantes, para quedar olvidada por el capricho de los enchufados del ayuntamiento, de los pelotas y sumisos que no tienen narices para parar una obra ilegal.

El alcalde ya sabe de este tema, pero calla. Y el que calla otorga señor Landa. Usted sabe perfectamente que aquí no se debería construir la barbaridad que se pretende, sabe que lo correcto sería reconstruir una vivienda idéntica a la que antes había, pero calla, ¿a quién le tiene miedo?, acaso alguien por encima de usted ha dado las ordenes, aclare nuestras dudas, pero rompa su silencio de una vez."

Kotxerik gabe egun batez... posiblea da!

Nazka-nazka eginda gaude, pertsona bakar batek klima aldaketarekin bukatu ezin duela entzuteaz komunikabide guztietan. Txarrena da, arrazoi guztia daukatela. Logikoa da pentsatzea pertsona bakar batek kotxea ez erabiltzeak ez duela aldaketa handirik eragingo; guztion konpromesua behar da. Horren harira argi dago baita, herri txiki batek horren aldeko ekimenak egin arren arazo mundiala ez dela konponduko. Baina zertxobait, gutxienekoa izanda ere, hobetu... Hori posiblea da!

Algortan, klima aldaketaren arazoa konpontzeko "kotzerik gabeko eguna" ospatzen da urtero. Egun guztian zehar errepideetan ibilgailurik ez da ikusten eta mezua transmititzeko hainbat jarduera antolatu ohi dira; normalean kotxeak pasatzen diren tokietatik; hala nola, ponietan paseoa, giza-futbolina, kart´s txikiak...

Beraz, kontaminazioaren gaia azpimarratzeaz aparte, umeek arazoa konponbideekin erlaziona dezatela ahalbidetzen da; horrekin batera, tranporte pribatuaren ordez publikoa erabiltzera bultzatzen zaielarik.

Erdi Arora bidaia

Batzuetan (biolentzia generoa) ez dirudien arren, Aro Garaikidean bizi gara; gizakiak bizitzari dagokionez aspektu guztietan aurrerapenak lortu dituelarik.
Gauza da, batzuetan konparatzen hazten garela, gure gaur eguneko bizimodua (egun dauden ohiturak) eta antzina bizitza nola zen;
Gurasoek kontatzen dute: "Lehen maisuari ezezkoa emanez gero, erregelarekin ipurdian jo eta baiezkora aldatzen zenuen bat-batean; orain gauzak erabat diferenteak dira..."

Adituek esaten dute, ona dela zenbaitetan denbora atzera bota eta aurreko aroetan erreparatzea gizakiak historian zehar lortu dituen aurrerapenaz jabetzeko. Nolabait, Getxon hori egiten da urtero.

Irailaren azken asteburuan, umeak uda luze baina motz baten ostean ikastolara bueltatu direnean, Algortako kaleetan zehar Erdi Aroko merkatua ospatzen da. Bi egunez normalean herri modernoa dena jantzi mediebalez janzten da; antzinako garaietara bueltatzeko.
Basagoiti Etorbidean zehar eta Bihotz Alai,San Nikolas, Tellagorri, Getxo Antzoki, Tangora, Algortako geltokia, Satistegi, Zabala ikastetxea eta J.Bautista Zabala kaleraino zabaltzen da; Bertan txabola eta salmenta-denda ugari antolatzen dira; janaria, apaingarriak, artisaugintzarekin erlazionatutakoak, eskuz eginiko egurrezko jostailuak, animaliak...aurki daitezke eta etxera oroigarri eraman.

Giro polit eta berezia antzematen da herrian zehar, antzinako garaietara bidaiatzen laguntzen duena...

Argazki zaharren erakusketa

Getxon, zorionez, urtero-urtero errepikatzen diren hainbat ekitaldi ditugu; herritarren interes eta hurbiltzeagatik arrakasta handia izan ohi dutelako. Argazki zaharren erakusketa horren adibide argia da.
Urtero, iraileko azken egunetan, antzinako oroipenaz blaitzen da Algortako metroko plaza.

Oso polita izaten da jendea argazkietan erreparatuz denbora dezente gelditzen direla ikustea. Nagusien aurpegietan nabari den zoriontasun eta nostalgia kutsua begiztatzea ikaragarria da; konturatzen zarelako argazki horiek beraientzako denbora-makina antzekoak direla eta momentu mugatu batez, berriro haien garaietara bidaiatzen ari direla.

Herritik bueltatxo bat eman edo enkargu batzuk egitetik etxerako bidean argazkien esposizioa dagoela ikusten dudanean, badakit gutxienez ordu erdi argazkiak begiratzen geldituko naizela eta beraz, lehenago etxera bueltatzeko nuen pentsamendua pixka bat atzeratuko dela. Gauza da, denbora hori horretan ematea pena merezi duela; bereziki, argazkietako batean guraso edo aiton-amonak ikusi eta ondoren, etxean komentatzeko beta dagoenean.

Erregeak urtero bezala Getxori bisita...

Pasadan urtarrilaren 5ean, Errege Magoen desfilea berriz ere atera zen Getxoko kaleetara bertako umeen ilusio eta itxaropenak betetzeko. Urtero, kabalgataren osagaiak aldatu ohi dituzte, eta gehienetan urtean oihartzun handia eduki duten gertaera edo pertsonaiei buruzkoa izaten da. Aurtengoa horrela egon da antolatua:zortzi karrozek eta bi fanfarriak izango dira espektakuluaren gidari; ibilbidea ez da batere aldatu beste urteekin konparatuz: Getxo-Algorta(1.itzulia) eta Areeta-Itzubaltzeta.(2.itzulia)

Getxoko kultur etxea izan da beti bezala ekitaldiaren antolatzaile nagusia. Eta jakinarazi duenez, bi tona gozoki banandu dira aurten; zeliakoentzako gozokiak.
Desfilearen lehen zatia bukatuta Erregeen harrera egon zen Villamonteko Kultur Etxean; txikitxoek euren nahi eta gurariak Magoei eska diezaieten.

Bukatzeko esan beharra daukat, nahiz eta txikitan nuen ilusio berdina ez izan, (noski)garai haietako magia pitin bat arnastu daiteke oraindik kabalgata ikustean; bereziki, umeen zorionezko aurpegiak ikusten dituzunean.

Jazz festibala

Aurten ere, urtero bezala, Getxoko Nazioarteko Jazz festibalaren XXXI. edizioa ospatu da Algortako Bihotz Alai plazan. Getxo honako ekitaldian parte hartzen duen herrietako bat izan da orain dela urte asko. Urtero, uda aldera, Jazz munduko pertsonalitaterik ezagun eta onenak biltzen dira ekimen honetan. Aurten ekitaldiaren parte izan diren artistak honako hauek izan dira: Chucho Valdés, Lee Konitz, Charlie Haden, Jan Garbarek eta Aldo Romano, Louis Sclavis eta Henri Texierrek osatzen duten hirukotea.

Horiez gain, gainera, aurten zenbait berrikuntza egon dira festibalaren programazioan; hala nola, taldeen txapelketaren aktuazioak eta "tercer milenio" deitutako sekzioa berri bat.

Egia esan, urte batzuk lehenago musika estilo mota guztietatik Jazz-a gutxien goraipatutakoa zela uste nuen. Niri aspergarria iruditzen zitzaidan eta orduan esaten nuen: nola gustatu dezake honek? Ez zitzaidan buruan sartzen. Gauza da, denetarako jendea egon behar dela eta egiaztatzen joan naizen heinean ikusi dut arrakasta nahiko handia daukala urtero, hurbiltzen diren zaletuen kopurua handia baita.

Gainera, gure herria beste herrien ohitura eta kulturan integratzeko balio duen guztia, ongi etorri!

"Sendi", urte berrirako proiektua

"Urte berri, asmo berri". Urte bat bukatu eta berria haztera doanean egiten dugunari erreferentzia egiten dio aurreko esaldi horrek. Gaztelaniazko "año nuevo, vida nueva" ren pareko dena denon ahotan azaltzen da urte berri baten hasieran. Aurten, 2010 urterako proiektu berri baten jaiotza eman da Getxoko Udala eta Egizu Euskara Elkartearen eskutik.

Proiektuaren sortzaileek jakinarazi dutenez, ekimen honen helburua Getxoko 2 eta 12 urte bitarteko umeek, haien guraso eta hurbilekoekin batera, euskarara hurbiltzea, ikastea eta erabiltzea. Horrela ez dakitenak ikasteko era da eta dakitenek erabil dezaten.

Horrekin batera Getxoko Udaletik gurasoen eta ikastetxeetako guraso-elkarte eta zuzendarien konpromesua eskatzen dute gure hizkuntza eta sinboloa den euskara bultzatzeko proiektu honek fruituak eman ditzan.

"Komiki Aretoa" Getxon

Pasadan urteko azaroaren 27, 28 eta 29an ospatu zen VIII. Komiki Aretoa Getxon baina aurten bi espazio desberdinetan: alde batetik ohikoa den Las Arenas metroko plazan eraikitzen den karpan; eta bestetik, Erromoko Santa Eugenia plazan.

Toki bakoitza komiki munduarekin lotutako edozein ekitaldi, jarduera, ipuin-kontaketa, ekitaldi bereziak egiteko eszenatokia, fanzin, zaletuentzako denda...z hornitua egongo da; hurbiltzen direnen nahiak betetzeko.

Jarduera mota hauei esker, zaletuek euren iritzi eta balorazioak partekatu ditzakete beraien artean eta bitartean, haiek gustoko dutenarekin momentu dibertigarriaz gozatu. Horregatik, niretzako oso didaktiko eta interesgarriak izan ohi dira antzeko ekimenak; eta nire herritik hurbil antzeko zeozerren ospaketaz jabetzen naizenean ikustera hurbiltzen naiz.

"Big Wave" ezaguna, Punta Galean

"Oxbow Punta Galea Big Challenge" izenarekin ezaguna den surf txapelketa garrantzitsua ospatu zen 2007an Getxoko Punta Galeako itsaslabarrean. Surf munduari lotutako hainbat pertsonalitate egon ziren txapelketa jarraitzen eta haiekin batera, surf zaletu eta jarraitzaile ugari hurbildu ziren.

Lehiaketako saririk handiena eraman zuena bertakoa zen Jaime Fernandez izan zen; olaturik handiena hartzeagatik garaile gertatu zena.
Gure urek dituzten ezaugarri bereziak zirela eta froga ospatua izateko denbora tarte batean zehar itxaron behar izan zuten, 4 metro gutxienez neurtzen zuten olatuekin topatzeko.

Kontuan harturik Bilboko portu komertzialaren aurrean kokatzen den Abrako bahiaren eskuinaldeko zatia zela, jasotako uzta ez zen txarra izan: batazbesteko 4 metroko 77 olatu izan ziren jaiaren protagonistak; Jokin Arroyo, txapelketaren zuzendariak jakinarazi zuenez.

Guztira sari moduan banatzeko zeuden 6800€ tik( Euskal Herriko Surf Federazioaren eskura)garaileak 1700€ eraman zituen; gainontzekoa, parte hartzaile eta beste saridunen artean banandu zelarik. Ez da kexatzeko modukoa, ezta?

Surfaren inguruko jai honek zaletuen itxaropenak mukuruka bete zituen!

Getxon ere ekitaldi garrantzitsuak!

Komunikabideetan ospatu diren ekitaldi edo jarduerei buruz hitz egiten dutenean, gehienetan hiri edo herri handien izenak entzuten ditugu. "Bilbon ospatu berri dira kazetaritzari buruzko XX.jardunaldiak...", "Madrid, munduko rap zaleen topaketaren gune aurten ere", "Dotore jantzi dira New York-eko kaleak, urtero bezalaxe Modaren Asteari harrera berezia egiteko..." Badakigu hiri handi horietan askoz ere jarduera ezagun eta oihartzun handiagoa eragiten dituztenak ospatzen direla, noski, haiek gauzatzeko baldintza, infraestruktura eta errekurtso ekonomiko hobeak dituztelako.
Hala eta guztiz ere, herri txiki eta ez hain ezagunetan ere ekimen bereziak egon ohi dira urtean zehar, gai desberdinei loturik daudenak. Getxo ere horren adibide da. Hurrengo sarreretan gure herrian ospatu izan diren egintza garrantzitsuen inguruan arituko naiz, arlo desberdinekin lotuak.

Espero dut interesgarri gertatzea eta barkatu gaiari hain bira handia eman izanagatik.

Hurrengora arte!

Gabonetako zozketa herriko dendetan zehar

Gauza ezaguna da guztiongatik gabonak urteko data garrantzitsua direla arrazoi desberdinengatik. Batetik, familia eta lagunekin egoteko denbora da, guztion artean opariak elkartrukatuz; eta bestetik, loteria eta beste eratako zozketak. Bai gabon-gauaren eguna heldu baino apur bat lehenago ospatzen dena; bai errege egunean ospatzen den "el niño" zozketa ezaguna. Gauza da, errege eguna pasa ondoren suposatzen dela gabon denbora bukatu egin dela, haiek dakartzaten jarduera bereziekin batera. Baina gure herrian, ez da hori guztiz ematen!
Nolabait esateko gabon epea heltzen denean, eta hiru asteetan zehar Getxoko zenbait dendek zozketa txarteltxoak oparitzen dituzte haien dendan erosketaren bat egiterakoan.
Ondoren, urtarrilaren lehen astean zenbaki irabazleen zozketa burutu ohi da eta saridunek diru kantitate desberdinak edukitzen dituzte denda hauetan erabiltzeko; 500€, 400€, 300€, 200€...

Beraz, gabonen ostean zenbaitei etortzen zaien depresioa hobeto eramateko ekimen berezi hau daukagu. Gutxienez...

Portu Zahar inguruak ere galaz jantzita...

Abenduak 31a zen eta gauak iguriki egiten zuen. Urtero bezala, familiarekin afari berezia ospatu eta 00:00ak puntu-puntuan urte berriari harrera berezia eman genion mahatsen tradizioari jarraiki. Besarkada eta brindisen ostean, zetorren gau garrantzitsurako prestatu eta kalera irten nintzen lagunekin batera elkartu eta kotilloira abiatzeko. Getxon betidanik bi ohitura egon dira egun honetan: batetik, Getxotik irten bai mozorrotuta bai festa-jantzia eramanik. Eta bestetik, herri inguruan dauden kotilloi ohikoetara joatea. Guk, aurten bigarren aukera hautatu dugu. Algortan zeharreko hainbat tabernatan giro berezia egon zen, urteko lehen gauari merezitako harrera emateko. Baina kotilloiei dagokionez, Portu Zahar inguruan eta kirol portuan kokatzen ziren. Guri zegokiguna kirol portuko Silver´s tabernak antolatzen zuen; baina bertako Allent taberna baita beste aukera zen. Portu Zahar aldera joatea ere aukera ona izan zitekeen baina pasadan urtean oso zapore ona gelditu zitzaigunez, zergatik ez errepikatu?
Tamarises hotel ezagunean ere kotilloi izugarria ospatu zen; eta gurean bezalaxe, itsasora begira karpa moduko bat eraiki zuten ikaragarrizko paisaiaz disfrutatzeko.

Beraz, nahiz eta gurea arrantzale herria izan, abagune berezietarako elegante jantzi ere egiten da.